Для чытачоў Нацыянальнай бібліятэкі Беларусі адкрыты тэставы доступ да расійскай паўнатэкставай базы даных – электронна-бібліятэчнай сістэмы IPR BOOKS.
Рэсурс прызначаны для пашырэння адукацыйных магчымасцей студэнтаў, выкладчыкаў, аспірантаў, спецыялістаў-практыкаў у розных сферах.
ЭБС IPR BOOKS змяшчае больш за 136 000 выданняў, з якіх 40 000 – навучальныя і навуковыя выданні па розных дысцыплінах, каля 700 найменняў расійскіх і замежных часопісаў, у тым ліку больш за 300 часопісаў з пераліку ВАК РФ, больш за 33 000 аўдыя- і відэаматэрыялаў. У ЭБС таксама прадстаўлена навукова-папулярная, даведачная, мастацкая літаратура. Многія выданні – эксклюзіўная частка кантэнту, якая не прадстаўлена ў іншых рэсурсах, у тым ліку кнігі выдавецтваў групы кампаній IPR MEDIA: “Вузовское образование”, “Профобразование”, “Ай Пи Эр Медиа”.
Сярод пераваг сістэмы – шпаркасць і зручнасць пошуку і фільтрацыі выданняў, пашыраны функцыянал, выкарыстанне адаптыўных тэхналогій для інклюзіўнай адукацыі. Кантэнт ЭБС IPR BOOKS штомесяц папаўняецца новымі электроннымі выданнямі.
Доступ адкрыты да 31 снежня 2019 г.
Матэрыял прадастаўлены аддзелам карпаратыўнага ўзаемадзеяння.