Для карыстальнікаў Нацыянальнай бібліятэкі Беларусі і партнёраў па віртуальнай чытальнай зале адкрыты тэставы доступ да электронна-бібліятэчнай сістэмы (ЭБС) Znanium.com.
ЭБС Znanium.com – інфармацыйны рэсурс для ВНУ і бібліятэк, які забяспечвае доступ да электронных калекцый кніг, часопісаў, артыкулаў, дысертацый і манаграфій у розных галінах ведаў.
Акрамя поўнафарматных навучальных і навуковых выданняў, сістэма ўключае сэрвіс Znanium Discovery, які дазваляе атрымаць доступ больш чым да 2,5 мільёна тэкстаў вучэбнай і навуковай літаратуры расійскіх і замежных рэфератыўных баз даных, а таксама да поўных тэкстаў артыкулаў у фармаце Open Access.
Таксама ў ЭБС уваходзіць Энцыклапедыя Znanium – інфармацыйны партал, які змяшчае больш за 250 тыс. даведачных, слоўнікавых і энцыклапедычных артыкулаў па рознай тэматыцы. Усе артыкулы легітымныя і прайшлі рэдакцыйную апрацоўку, што забяспечвае высокую якасць кантэнту для адукацыйных і навуковых мэт.
Мова дакументаў – руская.
Для таго каб атрымаць тэставы доступ, карыстальнікам неабходна зарэгістравацца ў ЭБС з любога аўтаматызаванага рабочага месца ў Нацыянальнай бібліятэцы Беларусі.
Доступ адкрыты да 14 снежня 2018 г.