Для карыстальнікаў Нацыянальнай бібліятэкі Беларусі і арганізацый – партнёраў па віртуальнай чытальнай зале адкрыты тэставы доступ да электронна-бібліятэчнай сістэмы “Кнігафонд”.
ЭБС “Кнігафонд” змяшчае шырокі спектр вучэбнай і навуковай літаратуры, сістэматызаванай па асноўных формах сучасных ведаў: лекцыі, манаграфіі, падручнікі і вучэбныя дапаможнікі, зборнікі артыкулаў, вучэбныя модулі, каментарыі спецыялістаў, першакрыніцы, метадычны матэрыял ад розных выдавецтваў, у тым ліку ад выдавецтваў ВНУ.
Асабісты кабінет карыстальніка дае наступныя магчымасці:
- віртуальная кніжная паліца;
- каментарыі;
- закладкі;
- цытаванне;
- канспектаванне;
- аддалены доступ (магчымасць працаваць у любы час, з любога месца, дзе ёсць Інтэрнэт).
Для пачатку работы ў сістэме кожнаму чытачу неабходна ўвесці лагін і пароль для тэставага доступу, пра якія можна даведацца ў дзяжурнага бібліятэкара. Карыстальнік можа атрымаць доступ з любога ўстройства, у тым ліку мабільнага.
Доступ адкрыты да 17 кастрычніка 2015 г.
