Для карыстальнікаў Нацыянальнай бібліятэкі Беларусі і яе партнёраў па віртуальнай чытальнай зале адкрыты тэставы доступ да электронна-бібліятэчнай сістэмы (ЭБС) “IPR BOOKS” групы кампаній “IPR MEDIA”.
ЭБС “IPR BOOKS” – паўнатэкставая рускамоўная база даных, у якой прадстаўлены кнігі і часопісы больш за 700 выдавецтваў, навукова-даследчых інстытутаў, вядучых расійскіх аўтарскіх калектываў. Рэсурс уключае звыш 130 тыс. дакументаў, у тым ліку 45 тыс. навучальных і навуковых выданняў па розных дысцыплінах; каля 1 тыс. найменняў расійскіх і замежных часопісаў, 300 з якіх уваходзяць у пералік Вышэйшай атэстацыйнай камісіі Міністэрства адукацыі і навукі Расійскай Федэрацыі; каля 2 тыс. аўдыявыданняў. Шырока прадстаўлена юрыдычная, эканамічная літаратура, выданні па гуманітарных, тэхнічных, прыродазнаўчых і фізіка-матэматычных навуках.
Ключавым параметрам для ўключэння літаратуры ў ЭБС з'яўляецца актуальнасць і магчымасць яе прымянення ў навучальным працэсе.
Абнаўленне ЭБС “IPR BOOKS” адбываецца штомесяц.
Мова дакументаў – руская.
Доступ адкрыты да 1 чэрвеня 2019 года.
Матэрыял прадастаўлены аддзелам карпаратыўнага ўзаемадзеяння.
