Для карыстальнікаў Нацыянальнай бібліятэкі Беларусі адкрыты тэставы доступ да электроннай бібліятэчнай сістэмы “БиблиоРоссика”.
“БиблиоРоссика” – гэта паўнатэкставая база, якая пастаянна папаўняецца і налічвае звыш 10 000 падручнікаў, манаграфій і часопісаў.
У арсенале ЭБС “БиблиоРоссика” вы знойдзеце шырокую калекцыю вучэбнай літаратуры па гуманітарных, сацыяльна-эканамічных, прыродазнаўчых і тэхнічных дысцыплінах, а таксама рэдкія і малатыражныя выданні расійскіх рэгіянальных ВНУ.
Мова дакументаў – руская.
Карыстальнікам даступна чытанне ўсіх выданняў сайта і капіраванне, раздрукоўка, цытаванне тэкстаў у рамках 15 % ад кожнай кнігі.
Для атрымання аддаленага доступу і магчымасці капіравання чытач павінен самастойна зарэгістравацца ў сценах бібліятэкі на сайце ЭБС “БиблиоРоссика”.
Тэставы доступ адкрыты да 21 лістапада 2015 г.