Для Нацыянальнай бібліятэкі Беларусі і партнёраў па віртуальнай чытальнай зале адкрыты тэставы доступ да часопісаў міжнароднага навуковага выдавецтва DeGruyter.
Выдавецтва DeGruyter надае асаблівую ўвагу якасці апублікаванага кантэнту і з’яўляецца адным з самых буйных незалежных навуковых выдавецтваў. За 270 гадоў з моманту заснавання выдавецтва назапасіла багаты вопыт распаўсюджвання ведаў і прыцягнула ў сваю праграму партнёрства такія выдавецтвы, як Harvard University Press, Princeton University Press, Yale University Press. Для тэсціравання даступна 346 рэцэнзуемых часопісаў па гуманітарных, сацыяльных і прыродазнаўчых навуках за перыяд з 1826 года па сённяшні час. Большасць часопісаў мае імпакт-фактар, што пацвярджае іх навуковую каштоўнасць. На платформе выдавецтва прадстаўлена таксама больш за 100 часопісаў адкрытага доступу.
Мова дакументаў – англійская, нямецкая.
Тэставы доступ адкрыты да 28 снежня 2019 года.
Матэрыял прадастаўлены аддзелам карпаратыўнага ўзаемадзеяння.
