У перыяд восеньскіх канікул Нацыянальная бібліятэка Беларусі запрашае вучняў, якія знаходзяцца ў школьных аздараўленчых лагерах і пазашкольных установах адукацыі г. Мінска, на мерапрыемствы “Тэатральная мазаіка”.
1 і 2 лістапада ў хлопчыкаў і дзяўчынак будзе выдатная магчымасць пазнаёміцца з творчасцю музычнага тэатра “Рэвю”, пераможцы рэспубліканскіх і міжнародных конкурсаў, які па-наватарску і арыгінальна падыходзіць да ідэі ўвасаблення тэатральнай дзіцячай творчасці.
Жанр тэатра – дзіцячы мюзікл, які ўключае сінтэз розных кірункаў мастацтва: харэаграфію, вакал і акцёрскае майстэрства. Кранальныя сцэнкі ўвасабляюць свет дзіцячых перажыванняў, уцягваюць ў тэатральнае дзеянне, аказваюць на гледачоў незабыўнае ўражанне.
Уваход на мерапрыемствы платны – 4 800 бел. руб. Аплата ў дзень правядзення мерапрыемства.
Пачатак – а 11-й гадзіне.
Месца правядзення – канферэнц-зала Нацыянальнай бібліятэкі Беларусі.
Уваход правы бакавы (з боку рэстарана).
Тэлефоны для даведак: 293-25-56, 293-25-57.
