11 кастрычніка дзіцячы пакой Нацыянальнай бібліятэкі Беларусі запрашае дзяцей на святочнае мерапрыемства “Вельмі маму я люблю”, прысвечанае Дню маці.
Хлопчыкі і дзяўчынкі возьмуць удзел у цікавых конкурсах, выканаюць сваімі рукамі нескладаныя вырабы для дарагіх мам.
Маленькія ўдзельнікі мерапрыемства ўспомняць самыя ласкавыя і пяшчотныя словы ў конкурсе “Камплімент” і падораць іх маме. Яны змогуць праявіць сябе ў якасці маміных памочнікаў у конкурсе “Уборка”, а мастацкія здольнасці спатрэбяцца ў конкурсе “Хто хутчэй намалюе маму?”.
Каштоўным падарункам для любімых мам стане паштоўка, зробленая рукамі дзяцей.
Запрашаюцца дзеці 5–8 гадоў.
Час правядзення мерапрыемства: 18.00–19.30.
Кантактны тэлефон: (8 017) 293 25 34.
