23 лютага ў Нацыянальнай бібліятэцы Беларусі ладзілася святочнае мерапрыемства, прысвечанае Дню абаронцаў Айчыны і Узброеных Сіл Рэспублікі Беларусь.
У святочнай абстаноўцы ў адрас мужчын прагучалі цёплыя словы, віншаванні і пажаданні аптымізму і дабрабыту, здароўя і доўгіх гадоў жыцця. У рамках мерапрыемства адбылася цырымонія прысуджэння намінацый "Man.nlb.by". Пераможцы атрымалі дыпломы, падарункі, любоў гледачоў і авацыі.
Творчымі нумарамі моцную палову Нацыянальнай бібліятэкі Беларусі парадавалі заслужаны калектыў Рэспублікі Беларусь "Дзяржаўны ансамбль танца Беларусі", а таксама супрацоўнікі бібліятэкі Віктар Літошык і Валянціна Бакуновіч. Мастацтва валодання незвычайнай баявой зброяй прадэманстравалі юныя ваяўнічыя лэдзі, члены Нацыянальнай зборнай Рэспублікі Беларусь па кікбоксінгу Дар’я Лойка і Аліна Букалава.
Сапраўдным падарункам для ўсіх прысутных стала выступленне зоркі беларускай эстрады – Вікторыі Алешка.
Святочны настрой, лагодныя ўсмешкі і незабыўныя ўражанні ўдзельнікам мерапрыемства падарылі чароўныя вядучыя, супрацоўніцы бібліятэкі Кацярына Бераснева, Таццяна Кірцун, Юлія Віскуб і Яна Варанко.
 |
 |
 |
 |
 |
 |
 |
