26 лістапада адбудзецца адкрыццё персанальнай выстаўкі фотапартрэтаў “Святло і Колер” скульптара і фатографа Яўгена Колчава.
Для беларускага скульптара Яўгена Колчава фатаграфія ў апошнія гады стала любімым хобі. На выстаўцы аўтар прадставіць серыю фотапартрэтаў беларускіх мастакоў і мастацтвазнаўцаў, рэжысёраў, фатографаў, журналістаў.
Яўген Колчаў працуе ў галіне станковай скульптуры і анімалістыкі, прытрымваецца рэалістычных традыцый у мастацтве. Асноўныя творы – “Мікеланджэла”, “Ікар”, “Салдаты”, “Каратэ”, “Накаўт”, “Спакуса”, “Яблык разладу”, “Двайняты”, “Пацалунак”, “Бег”, “Харты”, “Таксы”, а таксама серыя партрэтаў К. Каліноўскага, У. Маякоўскага, Р. Заслонава, А. Задорына, І. Бархаткова і інш.
Мастак працаваў у рэстаўрацыйных майстэрнях Польшчы (1992–2000), дзе прымаў актыўны ўдзел ва ўзнаўленні складаных архітэктурных і скульптурных элементаў гатычнага стылю барока; аб’екты знаходзяцца ў Польшчы і Германіі.
Цяпер выкладае скульптуру ў Мінскім дзяржаўным мастацкім каледжы імя А.К. Глебава.
Арганізатарамі выстаўкі з’яўляюцца Нацыянальная бібліятэка Беларусі і галерэя графікі "Кніжны салон".
Куратар выстаўкі – Ала Зміёва.
Вернісаж пачнецца а 17-й гадзіне ў галерэі “Атрыум” (3-ці паверх).
Тэлефоны для даведак: (8 017) 293 28 33, 266 37 37, 385 60 89.
Е-mail: pr@nlb.by
