22 лютага ў дзіцячым пакоі Нацыянальнай бібліятэкі Беларусі адбылося святочнае мерапрыемства “Свята мужнасці і гонару”, прысвечанае Дню абаронцаў Айчыны.
Пад час мерапрыемства юныя наведвальнікі ўзялі актыўны ўдзел у займальных конкурсах, паспаборнічалі ў канструяванні папяровых самалёцікаў, таленавіта выкарысталі сваё акцёрскае майстэрства і пераўвасобіліся ў людзей ваенных прафесій. Эрудыцыя спатрэбілася дзецям у конкурсе «Прадоўжы прыказку», а ў час конкурсу «Раскажы пра свайго тату» хлопчыкі і дзяўчынкі падарылі сваім блізкім шмат добрых і ласкавых слоў.
Самым цікавым эпізодам святкавання стала выступленне добрага сябра дзіцячага пакоя – паэта Андрэя Смятаніна, які прачытаў свае вершы, а таксама з задавальненнем паўдзельнічаў у конкурсах разам з дзецьмі.
Таты маленькіх удзельнікаў былі шчаслівыя атрымаць зробленыя рукамі дзетак падарункі, прысвечаныя 23 лютага.
 |
 |
 |
 |
 |
 |
