23 сакавіка запрашаем на ўрачыстае адкрыццё выстаўкі пленэрных работ навучэнцаў Мінскага дзяржаўнага мастацкага каледжа імя А.К. Глебава “Пленэр-2016”.
Штогод студэнты-мастакі выязджаюць на эцюды ў розныя маляўнічыя куткі Беларусі і іншых краін. У 2016 годзе практыка маладых жывапісцаў праходзіла ў гістарычна значных месцах нашай рэспублікі, такіх як Нясвіж, Полацк, Ружаны, Брэст і інш. Яркія работы былі створаны і падчас удзелу ў міжнародных пленэрах у славацкіх Татрах, Санкт-Пецярбургу, Варонежы, Астрахані.
У творчых паездках студэнты-мастакі раскрылі новыя грані сваіх магчымасцей, павысілі прафесіяналізм і творчую самастойнасць.
Займаючыся выяўленчым мастацтвам на прыродзе, мастак трапляе ў жывую творчую атмасферу. Гэта дазваляе адчуць іншы рытм жыцця, убачыць незвычайнае ў кожным імгненні, дакрануцца да гісторыі і па-іншаму зірнуць на саму сутнасць навакольнага свету. Для творчага чалавека новае месца – гэта заўсёды крыніца свежых уражанняў, сіл, натхнення і, канечне ж, новых цікавых работ.
Пераканацца ў гэтым можна, наведаўшы экспазіцыю “Пленэр-2016”, на якой да ўвагі наведвальнікаў будуць прадстаўлены звыш 50 работ навучэнцаў МДМК імя А.К. Глебава.
Вернісаж пачнецца а 16-й гадзіне ў галерэі “Панарама” (22-гі паверх). Пазнаёміцца з творчасцю маладых мастакоў можна будзе да 23 красавіка 2017 года.
З 24 сакавіка 2017 года ўваход на выстаўку складае кошт наведвання агляднай пляцоўкі.
Дата заканчэння выстаўкі можа быць зменена.
Удакладняйце інфармацыю па тэлефоне: (8 017) 266 37 37.
Е-mail: pr@nlb.by