21 красавіка ў галерэі “Лабірынт” адбылося ўрачыстае адкрыццё дабрачыннага мастацкага праекта “Свет за акном”.
Арганізатарамі праекта выступілі Нацыянальная бібліятэка Беларусі і Міжнародная гільдыя жывапісцаў.
Галоўная ідэя дабрачыннай мастацкай выстаўкі ў тым, што абмежаваныя магчымасці фізічнага і псіхічнага характару не з’яўляюцца перашкодай для неабмежаванага выражэння сябе ў творчасці. Каля 100 глыбокіх па духу і шчырых па сваім змесце работ на выстаўцы прадставілі аўтары з асаблівым, няпростым лёсам.
Адкрыла мерапрыемства першы намеснік дырэктара Нацыянальнай бібліятэкі Беларусі па абслугоўванні карыстальнікаў і ідэалогіі Алена Далгаполава. У адкрыцці дабрачыннай мастацкай выстаўкі ўзялі ўдзел начальнік упраўлення адукацыі Мінаблвыканкама Таісія Данілевіч, кансультант упраўлення стацыянарных устаноў абслугоўвання і капітальнага будаўніцтва Анатоль Юркевіч, начальнік упраўлення сацыяльных устаноў Вікторыя Грэчка; старшыня Міжнароднай гільдыі жывапісцаў Фёдар Ястраб; кіраўнік студыі выяўленчага мастацтва “Васілёк” Мінскай абласной дзяржаўнай школы-інтэрната для дзяцей з парушэннем слыху Надзея Пракаповіч; кіраўнік рэабілітацыйнай студыі “Палітра” Галіна Кучарэнка; загадчыца аддзела выяўленчай, дэкаратыўна-прыкладнай творчасці і выставачнай работы Нацыянальнага цэнтра мастацкай творчасці дзяцей і моладзі Тамара Сідарэвіч; дырэктар псіханеўралагічнага інтэрната № 2 Галіна Мазуркевіч і кіраўнік студыі выяўленчага мастацтва псіханеўралагічнага інтэрната № 2 Таццяна Біруля.
Выстаўка будзе доўжыцца да 20 мая.
 |
 |
 |
 |
 |
 |
 |
 |
