22 мая а 16-й гадзіне ў мабільнай галерэі (3-ці паверх) адбудзецца ўрачыстае адкрыццё выстаўкі “Свет вачыма дзяцей”, прымеркаванай да Дня абароны дзяцей.
Экспазіцыя змяшчае каля 25 твораў выхаванцаў ізастудыі “Василёк”, якая працуе больш за 18 год у Мінскай абласной дзяржаўнай спецыяльнай агульнаадукацыйнай школе-інтэрнаце для дзяцей з парушэннем слыху. Юныя мастакі прымалі ўдзел у міжнародных выстаўках у Японіі, Германіі, Францыі, Расіі, іх творы экспанаваліся ў шматлікіх галерэях і музеях беларускай сталіцы.
Праект арганізаваны Мінскай абласной школай-інтэрнатам для дзяцей з парушэннем слыху і Нацыянальнай бібліятэкай Беларусі пры падтрымцы ўпраўлення адукацыі Мінскага аблвыканкама. Галоўная ідэя выстаўкі – напомніць дарослым, што дзеці адчуваюць патрэбнасць у падтрымцы і клопаце пра іх.
Уваход на мерапрыемства – цэнтральны.
Выстаўка будзе працаваць да 20 жніўня 2014 г.
Тэлефоны для даведак: (8 017) 293 27 56, 293 78 33.
Е-mail: pr@nlb.by
