Запрашаем карыстальнікаў на бясплатныя тэматычныя сустрэчы з адвакатамі, арганізаваныя ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.
Тэмы лекцый на 2019 год:
- Статус маладога спецыяліста: правы і гарантыі (верасень)
- Вадзіцель-пешаход: аўтамабільныя правапарушэнні, правы і абавязкі пешаходаў (кастрычнік)
- Звароты грамадзян: з практыкі грамадзянска-прававога кансультавання (лістапад)
- Права на адпачынак: працоўныя і сацыяльныя адпачынкі (снежань)
З лекцыямі выступяць і адкажуць на пытанні, якія вас цікавяць, практыкуючыя адвакаты Мінскай гарадской і абласной калегіі адвакатаў.
Вы таксама зможаце скарыстацца літаратурай з фондаў Нацыянальнай бібліятэкі Беларусі па бягучай тэме, выстаўкі будуць прадстаўлены ў зале прававой інфармацыі (2-гі паверх, памяшканне 207b).
Для наведвання лекцый неабходна мець чытацкі білет Нацыянальнай бібліятэкі Беларусі.
Інфармацыя пра дату і месца правядзення будзе апублікавана напярэдадні мерапрыемства на нашым інтэрнэт-партале.
Тэлефоны для даведак: (8 017) 293 28 68, 293 27 28.
Матэрыял прадастаўлены аддзелам абслугоўвання афіцыйнымі дакументамі.