23 студзеня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана штомесячная тэматычная сустрэча з адвакатам “Ад шлюбу да разводу: шлюбна-сямейныя спрэчкі”.
З лекцыяй выступіла адвакат Мінскай гарадской калегіі адвакатаў, медыятар, кіруючы партнёр адвакацкага бюро “Права і сямейная медыяцыя” Ждановіч Алена Леанідаўна.
На сустрэчы былі падрабязна разгледжаны прававыя пытанні ў рамках дзеючага заканадаўства Рэспублікі Беларусь, звязаныя з прававымі ўмовамі заключэння і скасавання шлюбу, у тым ліку з урэгуляваннем пытанняў аб маёмасці, утрыманні і выхаванні дзяцей афармленнем шлюбнага дагавора, а таксама рашэннем шлюбна-сямейных спрэчак у дасудовым парадку. Прысутныя змаглі задаць пытанні і атрымаць на іх кампетэнтныя і падрабязныя адказы спецыяліста.
У рамках мерапрыемства таксама экспануецца тэматычная выстаўка літаратуры з фондаў Нацыянальнай бібліятэкі Беларусі, прадстаўленая ў зале прававой інфармацыі (пом.207b).
Матэрыял прадастаўлены аддзелам абслугоўвання афіцыйнымі дакументамі.