17 красавіка Нацыянальная бібліятэка Беларусі і Беларуская рэспубліканская калегія адвакатаў у рамках мерапрыемстваў па інфармацыйна-прававой асвеце грамадзян арганізавалі і правялі штомесячную тэматычную сустрэчу з адвакатам “Аб садаводчых таварыствах і дачных участках”.
З лекцыяй выступіла практыкуючы адвакат Мінскай абласной калегіі адвакатаў Ірына Эдуардаўна Несцяровіч.
На сустрэчы былі падрабязна асветлены прававыя пытанні ў рамках дзеючага заканадаўства Рэспублікі Беларусь, звязаныя з фарміраваннем, дзяржаўнай рэгістрацыяй, рэарганізацыяй і ліквідацыяй садаводчага таварыства; рашэннем спрэчак у садаводчым таварыстве; правіламі размяшчэння будынкаў і расліннасці на дачным участку. Удзельнікі сустрэчы змаглі задаць і атрымаць кампетэнтныя і падрабязныя адказы спецыяліста на шматлікія пытанні.
У рамках мерапрыемства таксама экспанавалася тэматычная выстаўка літаратуры з фондаў Нацыянальнай бібліятэкі Беларусі, прадстаўленая ў зале прававой інфармацыі (пам. 207b).
Матэрыял прадастаўлены аддзелам абслугоўвання афіцыйнымі дакументамі.