29 красавіка ў рамках праекта “Бібліяноч-2022” Нацыянальнай бібліятэкай Беларусі сумесна з Беларускай рэспубліканскай калегіяй адвакатаў была арганізавана і праведзена бясплатная тэматычная сустрэча з адвакатам.
З лекцыяй на тэму “Пустуючыя жылыя дамы на сяле. Перавод садовых дамкоў у жылыя: новае ў прававым рэгуляванні” выступіла практыкуючы адвакат Мінскай абласной калегіі адвакатаў Ірына Эдуардаўна Несцяровіч.
На сустрэчы былі падрабязна асветлены асноўныя прававыя пытанні, якія тычацца ўдасканалення парадку адчужэння жылых дамоў і зямельных участкаў у сельскай мясцовасці, работы мясцовых выканкамаў з пустуючымі дамамі, стварэння спрыяльных умоў для іх эфектыўнага выкарыстання, абароны праў уласніка жылога дома, а таксама мер і навацый па ўпарадкаванні дзейнасці садаводчых таварыстваў.
У рамках мерапрыемства ў зале прававой інфармацыі (пам. 207b) экспануецца тэматычная выстава літаратуры з фондаў Нацыянальнай бібліятэкі Беларусі.
Сачыце за анонсамі наступных мерапрыемстваў.
Матэрыял пададзены аддзелам абслугоўвання афіцыйнымі дакументамі.
