16 лютага Нацыянальная бібліятэка Беларусі сумесна з Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян арганізавала і правяла штомесячную сустрэчу з адвакатам па тэме “Права на аліменты: парадак спагнання і выплаты”.
З лекцыяй выступіла адвакат Мінскай абласной калегіі адвакатаў Ірына Несцяровіч.
На сустрэчы былі падрабязна асветлены асноўныя пытанні датычна падставы, парадку выплаты і спагнання аліментаў: выплата аліментаў на дзяцей; непрацаздольных бацькоў, мужа ці жонку, якія маюць патрэбу ў дапамозе; варыянты і працэс прызначэння аліментаў, а таксама памер і спосабы іх выплаты.
У рамках мерапрыемства экспануецца тэматычная выстава літаратуры з фондаў Нацыянальнай бібліятэкі Беларусі, прадстаўленая ў зале прававой інфармацыі (пам. 207b).
Матэрыял пададзены аддзелам абслугоўвання афіцыйнымі дакументамі.