19 сакавіка ў рамках мерапрыемстваў па інфармацыйна-прававой асвеце грамадзян Нацыянальнай бібліятэкай Беларусі і Беларускай рэспубліканскай калегіяй адвакатаў была арганізавана штомесячная тэматычная сустрэча з адвакатам “«Я б у армію пайшоў...»: правы і абавязкі прызыўнікоў”.
З лекцыяй выступіла загадчыца спецыялізаванай юрыдычнай кансультацыяй па пытаннях ваеннай і дзяржаўнай службы Мінскай гарадской калегіі адвакатаў Алена Мікалаеўна Гайдучонак.
На сустрэчы былі падрабязна асветлены прававыя пытанні ў рамках дзеючага заканадаўства Рэспублікі Беларусь, звязаныя з ваеннай службай па прызыву, кантракце і ў рэзерве; правамі і абавязкамі прызыўнiкоў i ваеннаабавязаных грамадзян; адказнасцю грамадзян за няяўку па павестцы ваеннага камісарыята ці іншага органа, які ажыццяўляе воiнскi ўлiк; адтэрміноўкай па сямейным становішчы або для працягу адукацыі; адказнасцю за нестатутныя адносіны, а таксама магчымасцю замяніць тэрміновую службу на альтэрнатыўную.
Удзельнікі сустрэчы змаглі атрымаць кампетэнтныя і падрабязныя адказы адваката на пытанні, якія іх цікавілі.
У рамках мерапрыемства ў зале прававой інфармацыі (пам. 207b) экспануецца тэматычная выстава літаратуры з фондаў Нацыянальнай бібліятэкі Беларусі.
Матэрыял прадастаўлены аддзелам абслугоўвання афіцыйнымі дакументамі.