23 студзеня 2020 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана штомесячная тэматычная сустрэча з адвакатам “Новая рэдакцыя жыллёвага кодэкса: агляд асноўных змяненняў і дапаўненняў”.
З лекцыяй выступіла намеснік старшыні Мінскай абласной калегіі адвакатаў Ірына Канстанцінаўна Вішнякова. Былі падрабязна асветлены прававыя пытанні ў рамках дзеючага заканадаўства Рэспублікі Беларусь, звязаныя з парадкам уліку маючых патрэбу ў паляпшэнні жыллёвых умоў, правам на перавод арэнднага жылля ў катэгорыю сацыяльнага, а таксама з іншымі навацыямі і зменамі, унесенымі ў новую рэдакцыю Жыллёвага кодэкса РБ.
Удзельнікі сустрэчы змаглі атрымаць кампетэнтныя і падрабязныя адказы адваката на шматлікія пытанні.
У рамках мерапрыемства экспануецца тэматычная выстаўка літаратуры з фондаў Нацыянальнай бібліятэкі, прадстаўленая ў зале прававой інфармацыі (пам.207b).
Матэрыял прадастаўлены аддзелам абслугоўвання афіцыйнымі дакументамі.
