Андрэй Бараноўскі, галоўны бібліёграф НІА бібліяграфіі Нацыянальнай бібліятэкі Беларусі, гісторык-краязнаўца, аўтар кнігі “Лепельское пехотное училище”, узяў удзел у тэлевізійнай перадачы тэлеканала “Россия 1” з цыкла “Память огненных лет”.
Выпуск быў прысвечаны 80-годдзю Лепельскага пяхотнага вучылішча. Андрэй Леанідавіч распавёў пра яго дзейнасць з 1940 па 1957 год. Сваё выступленне ён прысвяціў памяці курсантаў і афіцэраў вучылішча, якія загінулі ў баях за Радзіму ў час Вялікай Айчыннай вайны.
Сфарміраванае на беларускай зямлі Лепельскае пяхотнае вучылішча з 1941 года працягвала працаваць у горадзе Чарапаўцы Валагодскай вобласці. Андрэй Леанідавіч прапанаваў да 75-годдзя Вялікай Перамогі ўсталяваць на былых казармах вучылішча ў пасёлку Бароўка Лепельскага раёна Віцебскай вобласці памятную мемарыяльную дошку.
Матэрыял пададзены навукова-даследчым аддзелам бібліяграфіі.
