12–13 лютага на базе бібліятэкі ў рамках XXII Мінскай міжнароднай кніжнай выстаўкі-кірмашу адбыўся семінар “Сучасныя інфармацыйна-камунікацыйныя тэхналогіі ў адлюстраванні кніжнага свету бібліятэк”.
Мерапрыемства было арганізавана Саветам бібліятэк Беларусі па інфармацыйным узаемадзеянні, Нацыянальнай бібліятэкай Беларусі, Фундаментальнай бібліятэкай Беларускага дзяржаўнага ўніверсітэта.
У рабоце семінара прынялі ўдзел каля 140 прадстаўнікоў рэспубліканскіх, публічных, бібліятэк ВНУ, студэнты і выкладчыкі ВНУ.
У рамках семінара былі прадстаўлены даклады і прэзентацыі, прысвечаныя праграмна-тэхналагічным рашэнням у галіне аўтаматызацыі бібліятэчных працэсаў, карпаратыўным інфармацыйным сістэмам і тэхналогіям бібліятэк, інтэграваным пошукавым сістэмам ад вядучых кампаній – распрацоўшчыкаў аўтаматызаваных бібліятэчных сістэм "Ex Libris Ltd", "Asseco Lietuva", "Информ-система", "Bibliotheca RFID Library Systems AG", "Дата Экспресс", "ИНЕАК", "ЛИБЭР".