15 ліпеня 2009 года Нацыянальную бібліятэку Беларусі наведала група студэнтаў Султанату Аман.
Маладыя людзі пазнаёміліся з дзейнасцю бібліятэкі, яе інфармацыйнымі рэсурсамі, калекцыяй рарытэтных выданняў, архітэктурна-будаўнічымі асаблівасцямі новага будынка бібліятэкі, мастацкім афармленнем інтэр’ераў.
Ад імя сваёй краіны госці перадалі ў дар Нацыянальнай бібліятэцы Беларусі памятны знак, а таксама літаратуру па гісторыі і культуры Султанату Аман, у тым ліку карту Султанату і турыстычныя буклеты.