26 верасня ў дзіцячым пакоі прайшлі заняткі “Мультчытайка” паводле казкі Х.К. Андэрсана “Стойкі алавяны салдацік”.
Пасля прачытання казкі і прагляду аднайменнага мультфільма, дзеці даведаліся, колькі выпрабаванняў прыйшлося пераадолець галоўнаму герою на шляху да сваёй запаветнай мары.
Праявіўшы акцёрскае майстэрства ў фізкультхвілінцы “Жывыя фігуры”, юныя ўдзельнікі ўвасобілі персанажаў казкі. За актыўны ўдзел кожны з іх атрымаў у падарунак зробленую з паперы цудоўную танцорку. А выкарыстоўваючы яркі пластылін, драўляныя палачкі і жалуды, дзяўчынкі самі вылепілі фігурку салдаціка.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
