З 18 па 24 верасня адбылася стажыроўка маладых спецыялістаў бібліятэк краін СНД на базе вядучых бібліятэк г. Масквы.
Стажыроўка была арганізавана НП “Бібліятэчная асамблея Еўразіі” пры падтрымцы Міждзяржаўнага фонду гуманітарнага супрацоўніцтва краін – удзельніц СНД.
Падчас стажыроўкі 22 маладыя спецыялісты з краін Садружнасці мелі магчымасць азнаёміцца з працай вядучых і спецыялізаваных бібліятэк Масквы. Удзельнікі стажыроўкі наведалі Расійскую дзяржаўную бібліятэку, Дзяржаўную публічную гістарычную бібліятэку Расіі, Усерасійскую бібліятэку замежнай літаратуры імя М.І. Рудаміна, Навуковую бібліятэку МДУ імя М.В. Ламаносава, Расійскую дзяржаўную бібліятэку для моладзі, Бібліятэку гісторыі рускай філасофіі і культуры “Дом А.Ф. Лосева”», Мемарыяльны музей і навуковую бібліятэку “Дом М.В. Гогаля».
Ад Нацыянальнай бібліятэкі Беларусі ўдзел у стажыроўцы ўзяў загадчык сектара камплектавання і ўліку электронных рэсурсаў аддзела камплектавання фондаў В.П. Лапо.
Удзел у стажыроўцы дазволіў пазнаёміцца з механізмамі працы бібліятэк г. Масквы ва ўмовах інтэнсіўнай інфарматызацыі. Вялікая ўвага была нададзена пытанням камплектавання фондаў бібліятэк электроннымі рэсурсамі на сучасным этапе.
