19 студзеня пачынаецца прыём заявак на ўдзел у рэспубліканскай інтэрнэт-алімпіядзе па вучэбных прадметах “Беларуская літаратура” і “Руская літаратура”.
Навукова-метадычную і тэхніка-тэхналагічную падтрымку ў арганізацыі і правядзенні інтэрнэт-алімпіяды забяспечвае навукова-метадычная ўстанова “Нацыянальны інстытут адукацыі” Міністэрства адукацыі Рэспублікі Беларусь з прыцягненнем спецыялістаў навуковых арганізацый, навукова-метадычных устаноў, устаноў агульнай сярэдняй, прафесійна-тэхнічнай, сярэдняй спецыяльнай, вышэйшай адукацыі і іншых арганізацый.
Асноўным партнёрам інтэрнэт-алімпіяды выступае ТДА “Аверсэв”.
Інфармацыйную падтрымку мерапрыемства ажыццяўляюць Нацыянальная бібліятэка Беларусі, Выдавецкі дом “Звязда”, выдавецтва “Адукацыя і выхаванне”.
Для ўдзелу ў мерапрыемстве запрашаюцца вучні IX-XI класаў устаноў агульнай сярэдняй адукацыі, I-II курсаў сярэдняй спецыяльнай і прафесійна-тэхнічнай адукацыі.
Інтэрнэт-алімпіяда праводзіцца ў мэтах павышэння матывацыі вучняў да вучэбнай дзейнасці і стымулявання іх да асобаснага і інтэлектуальнага развіцця на аснове прыцягнення максімальнай колькасці ўдзельнікаў і забеспячэння роўных умоў у спаборніцкай дзейнасці.
Задачы інтэрнэт-алімпіяды – стварэнне неабходных умоў для падтрымкі адораных навучэнцаў; фарміраванне і развіццё ў іх цікавасці да вывучэння беларускай і рускай літаратуры на павышаным узроўні; стымуляванне праектна-даследчай дзейнасці школьнікаў; уключэнне максімальнай колькасці навучэнцаў у інтэрактыўнае адукацыйнае ўзаемадзеянне шляхам шырокага выкарыстання магчымасцей дыстанцыйнага навучання і самаадукацыі з прымяненнем інфармацыйна-камунікацыйных тэхналогій (незалежна ад рэгіянальнага размяшчэння ўстановы адукацыі, узроўню здольнасцей навучэнцаў і ўзроўню дасягнення імі вынікаў навучання).
Інтэрнэт-алімпіяда праходзіць у два этапы: дыстанцыйны (завочны) і вочны. Кожны этап уключае два туры.
I тур дыстанцыйнага этапу адбудзецца 13 сакавіка 2018 года;
II тур дыстанцыйнага этапу – 20 сакавіка 2018 года.
I і II туры вочнага этапу пройдуць 26 красавіка 2018 года.
Пераможцам рэспубліканскай інтэрнэт-алімпіяды будуць уручаны дыпломы I, II і III ступеней і прызы. Узнагароджанне пераможцаў адбудзецца 27 красавіка 2018 года.
Жадаючым прыняць удзел у рэспубліканскай інтэрнэт-алімпіядзе неабходна з 19 студзеня па 19 лютага 2018 года запоўніць электронную форму (заяўку).
Абвяшчэнне пераможцаў алімпіяды, а таксама апавяшчэнне пра месца і час уручэння ўзнагарод будуць размешчаны на інтэрнэт-рэсурсе па суправаджэнні анлайн-алімпіяд па вучэбных прадметах, турніраў і конкурсаў а таксама на нацыянальным адукацыйным партале і яго афіцыйных старонках у сацыяльных сетках Facebook, “ВКонтакте”.
Больш падрабязна з мэтамі, задачамі, тэрмінамі правядзення, патрабаваннямі да ўдзельнікаў і правіламі рэгістрацыі можна азнаёміцца ў інфармацыйным лісце і Палажэнні аб парадку правядзення рэспубліканскай інтэрнэт-алімпіяды.