Як улетку дзецям цікава правесці час у горадзе? Вядома, наведваць захапляльныя месцы, адным з якіх з’яўляецца Нацыянальная бібліятэка Беларусі.
Запрашаем дзіцячыя групы, якія адпачываюць у летніх школьных лагерах, далучыцца да праекта “У госці да кніг”. Прапануем цыкл заняткаў, які пазнаёміць дзетак з бібліятэкай і беларускай кніжнай спадчынай.
У кожнай групы можа быць індывідуальная праграма заняткаў. Напрыклад, вучні сярэдняй школы № 172 г. Мінска ў чэрвені будуць займацца па наступнай праграме:
- Нацыянальная бібліятэка Беларусі – дом, дзе жывуць кнігі;
- Узнікненне і развіццё пісьма;
- Формы і матэрыялы кнігі;
- Рукапісная кніжнасць Беларусі;
- Папяровыя цуды;
- Францыск Скарына – беларускі першадрукар;
- Квэст “Кніжны лабірынт”.
4 чэрвеня адбыліся першыя заняткі праграмы. Дзеці пазнаёміліся з будынкам самай вялікай бібліятэкі краіны і даведаліся, як арганізавана ў ім кніжнае жыццё. Творчае заданне на малюнку прадугледжвала стварэнне ўласнага дызайну аздаблення бібліятэкі.
Прымаюцца заяўкі ад груп з 10–25 чалавек.
Працягласць: 60 хвілін.
Кошт: 4 руб. 50 кап. / 1 чалавек.
Інфармацыя і запіс па тэлефонах:
(8 017) 293 27 82, (8 044) 579 39 07, (8 029) 387 60 95.
Матэрыял прадастаўлены навукова-даследчым аддзелам кнігазнаўства.
