Напярэдадні ІІ Еўрапейскіх гульняў у электронных рэсурсах Нацыянальнай бібліятэкі Беларусі пашырана інфармацыя пра беларускіх спартсменаў і трэнераў, чэмпіёнаў і прызёраў Алімпіяд, чэмпіянатаў свету, Еўропы і іншых міжнародных спаборніцтваў. Спартыўная тэматыка шырока прадстаўлена і ў фактаграфічнай базе даных “Беларусь у асобах і падзеях”.
Тут можна знайсці падрабязныя біяграфічныя звесткі пра беларускіх спартыўных дзеячаў, фотаздымкі, спасылкі на інтэрнэт-рэсурсы і іншыя крыніцы інфармацыі. Змешчаны таксама матэрыял пра розныя віды спорту, асноўныя спартыўныя аб’екты нашай краіны (спарткомплексы, палацы спорту, стадыёны і г.д.), спартыўныя арганізацыі, профільныя навуковыя інстытуты, навучальныя ўстановы, якія забяспечваюць падрыхтоўку спартсменаў і трэнераў.
Запрашаем усіх, хто цікавіцца гісторыяй і сучаснымі дасягненнямі беларускага спорту, звяртацца да базы даных “Беларусь у асобах і падзеях”.
Матэрыял прадастаўлены навукова-даследчым аддзелам бібліяграфіі.
