13 чэрвеня на спартыўна-аздараўленчай базе ФПБ “Алімпіец” адбыўся фінал IХ летняй Рэспубліканскай спартакіяды работнікаў культуры і мастацтваў.
Спартакіяда праводзілася з мэтай шырокай прапаганды і далейшага развіцця фізічнай культуры і спорту ў працоўных калектывах, умацавання здароўя работнікаў культуры і мастацтваў, арганізацыі актыўнага адпачынку працоўных, далучэння іх да масавых фізкультурна-аздараўленчых і спартыўных мерапрыемстваў, падтрымкі сяброўскіх сувязей паміж калектывамі фізкультуры прадпрыемстваў і арганізацый галіны.
У спартакіядзе ўзялі ўдзел каманды горада Мінска, абласных і рэспубліканскіх падведамасных арганізацый Міністэрства культуры Рэспублікі Беларусь.
Зборная каманда Нацыянальнай бібліятэкі Беларусі таксама ўзяла ўдзел у спаборніцтвах, папярэдне прайшоўшы адборачныя спаборніцтвы ў паўфінале. У фінале каманда бібліятэкі па валейболе заняла 2-е месца.
Разам з нашымі спартсменамі на свята прыбыла і каманда балельшчыкаў. Дзякуем усім за ўдзел і падтрымку.