31 мая 2008 года на спартыўна-аздараўленчай базе ФПБ «Ратамка» адбылася 2-я летняя Рэспубліканская галіновая cпартакіяда работнікаў культуры і мастацтва.
Спартакіяда праводзілася ў рамках Года здароўя з мэтай павышэння эфектыўнасці фізічнага выхавання работнікаў галіны. У ёй прынялі ўдзел каманды абласцей Беларусі, горада Мінска, рэспубліканскія арганізацыі Міністэрства культуры.
Па выніках спаборніцтваў Нацыянальная бібліятэка заваявала 2-е агульнакаманднае месца. У асабістым першынстве – 1-е месца па гіраваму спорту, 1-е месца па настольным тэнісе (жанчыны), 4-е месца па дартсе (жанчыны), 5-е месца па настольным тэнісе (мужчыны), 3-е агульнакаманднае месца па валейболе і 4-е агульнакаманднае месца па міні-футболе.
Разам з нашымі спартсменамі на свята прыбыла і каманда балельшчыкаў. Дзякуем ім за падтрымку!
Падчас спартакіяды праходзіла канцэртная праграма з удзелам вядомых беларускіх калектываў і індывідуальных выканаўцаў.
Віншуем каманду Нацыянальнай бібліятэкі Беларусі і жадаем ёй далейшых спартыўных перамог!!!