25 ліпеня ў дзіцячым пакоі Нацыянальнай бібліятэкі Беларусі пройдуць творчыя заняткі “Сонейка ў вазачцы” з цыкла “Нетрадыцыйныя спосабы выяўлення”.
На занятках дзеці пазнаёмяцца з тэхнікай вырабу аплікацыі з папяровых сурвэтак і круп. Для стварэння незвычайных кампазіцый спатрэбяцца каляровы кардон, клей, папяровыя сурвэткі, каляровая папера, грэцкія крупы і аўсяныя шматкі.
Дзеці змогуць удасканаліць навыкі працы з клеем, папрактыкавацца ў працы з папяровымі сурвэткамі і крупамі, навучацца размяшчаць выяву на аркушы. Заняткі таксама будуць спрыяць развіццю дробнай маторыкі рук і тактыльнага ўспрымання.
Заняткі дапамогуць дзецям асвоіць прыцягальны і чароўны свет выяўленчай дзейнасці і рэалізаваць свае творчыя здольнасці.
У праграме прадугледжаны рухавыя гульні і прагляд мультфільма.
Заняткі праводзяцця бясплатна. Усе мастацкія матэрыялы дзецям будуць прадастаўлены.
Запрашаюцца дзеці 4–8 гадоў.
Час правядзення заняткаў: 12.00–13.30.
