8 жніўня ў дзіцячым пакоі прайшоў майстар-клас “Сонечная садавіна", дзе дзеці навучыліся адлюстроўваць каляровую і сакавітую садавіну ў тэхніцы вітражнай пластылінаграфіі.
Творчы працэс пачаўся з падбору і змешвання розных колераў пластыліну. Пазначыўшы контур малюнка на адваротным баку празрыстай паверхні, юныя ўдзельнікі акуратна і старанна нанеслі пластылін і стварылі маляўнічую фруктовую кампазіцыю.
На занятках хлопчыкі і дзяўчынкі даведаліся шмат дзіўных фактаў пра садавіну, разгадалі загадкі, зрабілі пальчыкавую гімнастыку і пагулялі ў сакрэтную гульню “Садавіна ці гародніна”.
Заняткі прайшлі весела і пазнавальна, пакінуўшы шмат станоўчых уражанняў і эмоцый.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.