14 кастрычніка ўдзельнікі “Клуба кніжных прафесараў” сустрэліся з прафесарам Скотам Кэралам, які з'яўляецца куратарам выстаўкі “Беларусь і Біблія”.
Скот Кэрал распавёў пра сувоі Мёртвага мора і самыя старажытныя рукапісы Старога і Новага Запавету. Прафесар прадставіў рэдкую калекцыю Тор, якая служыць унікальным сведчаннем распаўсюджвання Слова Божага ў розных краінах свету – ад Грэцыі да Кітая.
Удзельнікі заняткаў былі ўражаны, калі ўбачылі змешчаную ў футляр са срэбра Тору XVIII стагоддзя, створаную ў Індыі. Адметным сярод іншых з’яўляецца таксама Сувой Эстэр XVIII стагоддзя – ілюстраваны мініяцюрны рукапіс, упрыгожаны кветкавым арнаментам і вінаграднай лазой, створаны ў Італіі і прададзены ў Кітай у 1794 годзе.
