6 чэрвеня ў дзіцячым пакоі прайшло мерапрыемства “Шчасце, сонца, дружба – вось што дзецям трэба”, прысвечанае Дню абароны дзяцей.
Стварыць атмасферу летняга свята хлопчыкі і дзяўчынкі змаглі дзякуючы дружнаму ўдзелу ў рухавых гульнях-эстафетах, конкурсе “Вясёлы боўлінг”, спаборніцтвах “Зніклы табурэт” і “Данясі пірожнае”.
Кожны ўдзельнік праявіў фантазію і творчыя здольнасці, адлюстроўваючы на малюнках шчаслівае дзяцінства. З непадробнай цікавасцю ўсе разгадвалі загадкі пра казачных герояў.
Акунуўшыся ў краіну дзяцінства, дзеці правялі разам час цікава і весела.
Чытайце таксама пра іншыя мерапрыемствы дзіцячага пакоя.