19 і 20 мая ў бібліятэцы прайшлі семінары, на якіх былі прадстаўлены алгарытмы працы з навуковымі інфармацыйнымі рэсурсамі на электроннай платформе ProQuest.
Платформа дазваляе карыстальнікам не толькі атрымліваць аператыўны доступ да інфармацыі аб найноўшых дасягненнях у навуцы, але і прадстаўляць навуковай супольнасці апублікаваныя вынікі ўласных даследаванняў.
Удзельнікі пазнаёміліся з паўнатэкставымі лічбавымі калекцыямі дысертацый “ProQuest Dissertations & Theses Global” і навуковых кніг “Academic Complete”. Іх прэзентавалі кіраўнік рэгіянальных праектаў кампаніі ProQuest Ганна Трыфанава і дырэктар аддзела электронных рэсурсаў падпіснога агенцтва “МЕТЭК” Аляксандр Ліпенскі. Асаблівая ўвага была нададзена арганізацыі выкарыстання рэсурсаў у дыстанцыйным фармаце.
Серыя анлайн-мерапрыемстваў завершыцца 26 мая. На заключным семінары будзе падрабязна разгледжаны блок прадстаўленых на платформе ProQuest навуковых інфармацыйных рэсурсаў па медыцыне і ахове здароўя. Запрашаем да ўдзелу даследчыкаў і супрацоўнікаў медыцынскіх устаноў. Для ўдзелу ў семінары неабходна зарэгістравацца.
Доступ да электронных рэсурсаў ProQuest адкрыты для зарэгістраваных карыстальнікаў бібліятэкі.
Віртуальная чытальная зала Нацыянальнай бібліятэкі Беларусі адкрыта для супрацоўніцтва з рознымі арганізацыямі нашай краіны па пытаннях падпіскі на ліцэнзійныя базы даных, навучання працы з імі, а таксама прадстаўлення электронных інфармацыйных рэсурсаў на платформе НББ у раздзеле “Віртуальная чытальная зала”.
Запрашаем да партнёрства!
Матэрыял пададзены аддзелам карпаратыўнага ўзаемадзеяння.
