19, 20 і 26 мая адбудзецца серыя анлайн-семінараў “Электронныя інфармацыйныя рэсурсы ProQuest у рэжыме аддаленага доступу: прымяненне ў навуковым і адукацыйным асяроддзі Беларусі”.
Увазе слухачоў – калекцыі электронных кніг ProQuest Ebook Central і дысертацыі ProQuest Dissertations&Theses, навуковыя рэсурсы па медыцыне і ахове здароўя.
Будуць разгледжаны таксама пытанні атрымання аператыўнага доступу да інфармацыі аб навейшых дасягненнях у навуцы; магчымасці папулярызацыі вынікаў уласных даследаванняў у міжнароднай навуковай супольнасці. Асаблівая ўвага будзе нададзена інфармацыйнаму суправаджэнню адукацыйных і даследчых працэсаў ва ўмовах аддаленай працы.
Арганізатары – Нацыянальная бібліятэка Беларусі і кампанія ProQuest.
Да ўдзелу запрашаюцца: спецыялісты бібліятэк Беларусі і навукова-даследчых арганізацый, рэспубліканскіх навукова-практычных цэнтраў, медыцынскіх устаноў, навуковыя супрацоўнікі, выкладчыкі вышэйшых навучальных устаноў, маладыя вучоныя, аспіранты, магістранты, аўтары навуковых публікацый, кіраўнікі і рэдактары навуковых выданняў.
Семінары пройдуць на электроннай платформе Zoom. Для ўдзелу неабходна прайсці анлайн-рэгістрацыю. Спасылкі для падключэння да семінараў будуць высланы ўсім зарэгістраваным удзельнікам.
Каардынатар:
Дамоўская Марыя Васільеўна,
загадчыца сектара аддзела карпаратыўнага ўзаемадзеяння НББ,
тэлефон: (8 017) 293 29 26,
e-mail: virtual@nlb.by
Матэрыял пададзены аддзелам карпаратыўнага ўзаемадзеяння.
