28 лютага прадстаўнікам медыцынскай і навуковай супольнасці быў прэзентаваны шырокі спектр інструментаў для навукаметрычнага аналізу, пабудовы публікацыйнай актыўнасці, фарміравання профіляў аўтараў і арганізацый, пошуку поўных тэкстаў публікацый адкрытага доступу.
Мерапрыемствамі ў Рэспубліканскай навуковай медыцынскай бібліятэцы і Беларускім дзяржаўным тэхналагічным універсітэце завяршылася серыя семінараў віртуальнай чытальнай залы, прысвечаных прадстаўленню электроннай платформы Web of Science, арганізаваных Нацыянальнай бібліятэкай Беларусі і кампаніяй Clarivate Analytics.
Семінары прайшлі ў Нацыянальнай бібліятэцы Беларусі, Беларускім дзяржаўным універсітэце інфарматыкі і радыёэлектронікі, Беларускім дзяржаўным універсітэце, Інстытуце мікрабіялогіі НАН Беларусі, Інстытуце біяарганічнай хіміі НАН Беларусі, Фізіка-тэхнічным інстытуце НАН Беларусі.
Запрашаем наведаць Нацыянальную бібліятэку Беларусі і скарыстацца рэсурсамі і аналітычным інструментарыем на платформе Web of Science.
Матэрыял прадастаўлены аддзелам карпаратыўнага ўзаемадзеяння.