27 лютага серыя семінараў віртуальнай чытальнай залы па прадстаўленні электронных рэсурсаў працягнулася ў Нацыянальнай акадэміі навук Беларусі.
Семінары прайшлі ў Інстытуце мікрабіялогіі, Інстытуце біяарганічнай хіміі і Фізіка-тэхнічным інстытуце НАН Беларусі.
Для беларускіх навукоўцаў быў падрыхтаваны агляд шырокага спектру навуковых электронных рэсурсаў. Магчымасці выкарыстання іх праз віртуальную чытальную залу Нацыянальнай бібліятэкі Беларусі слухачам прадставіў галоўны спецыяліст аддзела карпаратыўнага ўзаемадзеяння Руслан Доўгі.
Спецыяліст па навучанні кампаніі Clarivate Analytics Ірына Ціханкова прэзентавала даследчыкам магчымасці платформы Web of Science і прадстаўлены на ёй шырокі інструментарый для эфектыўнай навуковай дзейнасці ў сферы біялагічных, хімічных і тэхнічных навук.
Матэрыял прадастаўлены аддзелам карпаратыўнага ўзаемадзеяння.