25 лютага пасля семінара ў Нацыянальнай бібліятэцы Беларусі электронная платформа Web of Science і рэсурсы віртуальнай чытальнай залы былі прадстаўлены ў Беларускім дзяржаўным універсітэце інфарматыкі і радыёэлектронікі.
У семінары ўзялі ўдзел студэнты, аспіранты, выкладчыкі і супрацоўнікі бібліятэкі БДУІР. Яны пазнаёміліся з шырокім спектрам сучасных сусветных электронных інфармацыйных рэсурсаў у сферы інфармацыйных тэхналогій.
Былі падрабязна разгледжаны магчымасці выкарыстання функцый і інструментаў платформы Web of Science для павышэння эфектыўнасці навукова-даследчай дзейнасці ва ўніверсітэце: аналіз навуковых цытаванняў, пошук навуковых публікацый адкрытага доступу, падыходы да стварэння аўтарскіх профіляў і профілю ўніверсітэта, выкарыстанне рэферэнс-менеджара EndNote.
Матэрыял прадастаўлены аддзелам карпаратыўнага ўзаемадзеяння.
