10 снежня ў Нацыянальнай бібліятэцы Беларусі адбыўся семінар-трэнінг па выкарыстанні баз даных выдавецтва Oxford University Press (OUP).
Пад час трэнінгу прайшла прэзентацыя электроннай інфармацыйнай прадукцыі выдавецтва, магчымасці работы з электроннымі часопісамі і кнігамі з дапамогай платформы выдавецтва, а таксама пошукавых магчымасцей і механізмаў (Oxford Index, Oxford Scholarship Online, Oxford Dictionaries, Oxford Reference).
У мерапрыемстве ўзяло ўдзел больш за 70 чалавек: кіраўнікі і спецыялісты бібліятэк Беларусі і іншых арганізацый, зацікаўленых у павышэнні якасці інфармацыйнага абслугоўвання карыстальнікаў, а таксама навуковыя супрацоўнікі, выкладчыкі вышэйшых навучальных устаноў, маладыя вучоныя.
