15–19 лістапада ў Нацыянальнай бібліятэцы Беларусі адбыўся рэспубліканскі семінар-трэнінг для спецыялістаў публічных бібліятэк.
Мерапрыемства было арганізавана бібліятэкай сумесна з Інстытутам павышэння кваліфікацыі і перападрыхтоўкі кадраў і НВФ “ІНЕАК”.
Семінар-трэнінг быў прысвечаны пытанням фарміравання бібліяграфічных запісаў у машыначытальным фармаце BELMARC і рабоце ў новай версіі праграмнага забеспячэння Alis-Web. У склад аўдыторыі ўваходзілі 39 бібліятэкараў-бібліёграфаў аддзелаў камплектавання і апрацоўкі раённых і гарадскіх рэгіянальных бібліятэчных сетак. На семінары таксама прысутнічалі прадстаўнікі Гродзенскай, Гомельскай, Віцебскай абласных бібліятэк і бібліятэкі Акадэміі кіравання пры Прэзідэнце Рэспублікі Беларусь.
У ходзе семінара для ўдзельнікаў былі прачытаны лекцыі і арганізаваны трэнінгі. Семінар закончыўся залікам і ўручэннем пасведчанняў аб павышэнні кваліфікацыі.