ГалоўнаяНавіныНавіны Нацыянальнай бібліятэкі Беларусі
Творчыя заняткі “Кот і мышы”
Здароўе – галоўная каштоўнасць чалавека

Семінар, прысвечаны нематэрыяльнай культурнай спадчыне

Семінар, прысвечаны нематэрыяльнай культурнай спадчыне
Іншыя навіны

25–26 сакавіка ў Нацыянальнай бібліятэцы Беларусі прайшоў навукова-практычны семінар з міжнародным удзелам “Ідэнтыфікацыя і інвентарызацыя нематэрыяльнай культурнай спадчыны як дзейсны фактар яе захавання”.


Арганізатарамі семінара выступілі Міністэрства культуры Рэспублікі Беларусь, Інстытут культуры Беларусі, Нацыянальная камісія Рэспублікі Беларусь па справах ЮНЕСКА пры ўдзеле Нацыянальнай бібліятэкі Беларусі, Цэнтра даследаванняў беларускай культуры, мовы і літаратуры Нацыянальнай акадэміі навук Беларусі, Беларускага камітэта Міжнароднага савета музеяў “ICOM”.

Семінар праводзіўся ў рамках доўгатэрміновага праекта па стварэнні нацыянальнага інвентару нематэрыяльнай культурнай спадчыны Беларусі, пры кансультацыйнай і фінансавай падтрымцы Фонду нематэрыяльнай культурнай спадчыны ЮНЕСКА.

Праект нацэлены на захаванне і папулярызацыю нематэрыяльнай культурнай спадчыны Беларусі пасродкам дзейнасці па імплементацыі Канвенцыі ЮНЕСКА аб ахове нематэрыяльнай культурнай спадчыны (2003), падтрымцы культурнай разнастайнасці і культурнай спадчыны ў цэлым у імя ўстойлівага развіцця Беларусі.

Асноўнай мэтай мерапрыемства стала знаёмства з лепшымі практыкамі ідэнтыфікацыі і інвентарызацыі нематэрыяльнай культурнай спадчыны краін – суседзяў Беларусі і краін СНД; абмеркаванне магчымых выклікаў і праблем, звязаных з гэтым працэсам, а таксама шляхоў іх рашэння; азначэнне ролі мясцовых супольнасцей у інвентарызацыі і захаванні нематэрыяльнай культурнай спадчыны.

У семінары ўдзельнічалі прадстаўнікі рэгіянальных структур Беларусі, адказныя за інвентарызацыю і ахову нематэрыяльнай культурнай спадчыны, а таксама запрошаныя эксперты з Азербайджана, Арменіі, Балгарыі, Беларусі, Латвіі, Літвы, Малдовы і Расійскай Федэрацыі.

Ад Нацыянальнай бібліятэкі Беларусі ўдзел у семінары ўзяў намеснік дырэктара па навуковай рабоце і выдавецкай дзейнасці, кандыдат культуралогіі А.А. Суша з дакладам "Паўната ўліку нематэрыяльнай культурнай спадчыны".

Па выніках работы семінара былі прыняты Рэкамендацыі.

Праграма семінара

Навіны

Восеньскі каляндар “Гадзіны музыкі”

22 Ліс 2019

21 лістапада навуковы супрацоўнік цэнтра даследаванняў беларускай культуры, мовы і літаратуры Нацыянальнай акадэміі навук Беларусі, этнамузыкалогіі Таццяна Леанідаўна Канстанцінава ў рамках “Гадзіны музыкі” выступіла з прэзентацыяй на тэму “Каляндарныя абрады і песні беларусаў у восеньскi перыяд”.

Навіны Нацыянальнай бібліятэкі Беларусі

Зацверджаны вынікі V Рэспубліканскага конкурсу “Бібліятэка – цэнтр духоўнай асветы і выхавання”

22 Ліс 2019

15 лістапада Распараджэннем Беларускай Праваслаўнай Царквы зацверджаны вынікі V Рэспубліканскага конкурсу “Бібліятэка – цэнтр духоўнай асветы і выхавання”.

Навіны Нацыянальнай бібліятэкі Беларусі

Кампетэнтна і падрабязна

21 Ліс 2019

20 лістапада Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Звароты грамадзян: з практыкі грамадзянска-прававога кансультавання”.

Навіны Нацыянальнай бібліятэкі Беларусі

Віртуальны ваяж па тэатрах нашай краіны – з вэб-сайтам “Беларусь у інфармацыйнай прасторы”

20 Ліс 2019

Запрашаем наведаць тэатральную старонку навігатара “Беларусь у інфармацыйнай прасторы”. Тут вы знойдзеце інфармацыю аб музычных, драматычных, лялечных і іншых тэатрах Рэспублікі Беларусь, якія ставяць спектаклі для гледачоў розных узростаў: ад 3-х да 103-х гадоў.

Навіны Нацыянальнай бібліятэкі Беларусі

111