ГалоўнаяНавіныНавіны Нацыянальнай бібліятэкі Беларусі
Выстаўка акварэлі “Акварэалізм”
Біялагічная разнастайнасць: захаванне, устойлівае выкарыстанне і развіццё

Семінар, прысвечаны бібліятэчнаму краязнаўству

Семінар, прысвечаны бібліятэчнаму краязнаўству
Іншыя навіны

15 мая ў Нацыянальнай бібліятэцы Беларусі адбыўся міжнародны навукова-практычны семінар “Бібліятэчнае краязнаўства: тэрыторыя вялікіх магчымасцей і перспектыў”.


У мерапрыемстве ўзялі ўдзел прадстаўнікі Нацыянальнай бібліятэкі Беларусі, кіраўнікі і спецыялісты, якія займаюцца краязнаўствам і рэгіянальнай бібліяграфіяй, з рэспубліканскіх, абласных, раённых і гарадскіх бібліятэк Беларусі, з Калінінградскай абласной навуковай бібліятэкі (Расія), Нацыянальнай бібліятэкі Польшчы, Нацыянальнай бібліятэкі Ізраіля, краязнаўца, супрацоўнік Гісторыка-краязнаўчага музея г. Веліж Смаленскай вобласці (Расія).

З прывітальным словам да ўдзельнікаў семінара звярнуўся дырэктар Нацыянальнай бібліятэкі Беларусі, доктар педагагічных навук, прафесар Матульскі Раман Сцяпанавіч.

На семінары абмеркаваны пытанні развіцця краязнаўчай бібліяграфіі на сучасным этапе, праблемы развіцця краязнаўчай бібліяграфіі ў кантэксце стварэння рэсурсу нацыянальнай бібліяграфіі Беларусі і нацыянальнай электроннай бібліятэкі, падыходы да бібліяграфавання краязнаўчых дакументаў у электронным асяроддзі, спецыфіка фарміравання і выкарыстання краязнаўчага даведачна-бібліяграфічнага апарата, краязнаўчага даведачна-бібліяграфічнага абслугоўвання рэгіянальных бібліятэк на аснове выкарыстання сучасных інфармацыйных тэхналогій. Разгледжан вопыт стварэння і выкарыстання краязнаўчых бібліяграфічных паказальнікаў і баз даных, прадстаўлены прэзентацыі электронных краязнаўчых рэсурсаў.

Ад Нацыянальнай бібліятэкі Беларусі з дакладамі выступілі Кузьмініч Таццяна Васільеўна, кандыдат педагагічных навук, дацэнт, намеснік дырэктара па інфармацыйных рэсурсах; Ліхімовіч Вольга Уладзіміраўна, загадчыца НДА бібліяграфіі; Маліноўская Алена Мікалаеўна, загадчыца сектара фарміравання інфармацыйнай прадукцыі НДА бібліяграфіі; Снігірова Алена Фёдараўна, вядучы бібліёграф аддзела карпаратыўнага ўзаемадзеяння; Градоўкіна Ірына Уладзіміраўна, галоўны бібліёграф аддзела фарміравання электроннай бібліятэкі.

Прагучалі змястоўныя выступленні Кувецкай Валянціны, бібліёграфа Нацыянальнай бібліятэкі Польшчы; доктара Гольдман Машы, камплектатара фонду на славянскіх мовах аддзела калекцый Нацыянальнай бібліятэкі Ізраіля; Поснікавай Святланы Масадзіраўны, загадчыцы Цэнтра краязнаўства, рэдкіх кніг, рукапісаў і спецыяльных калекцый Калінінградскай абласной навуковай бібліятэкі; Поўзіка Уладзіміра Паладзьевіча, супрацоўніка Гісторыка-краязнаўчага музея г. Веліж Смаленскай вобласці.

Вопытам краязнаўчай дзейнасці падзяліліся прадстаўнікі бібліятэк Беларусі: Ганчарова Анжаліка Віктараўна, загадчыца аддзела краязнаўчай літаратуры і бібліяграфіі Віцебскай абласной бібліятэкі імя У.І. Леніна; Калініна Тамара Міхайлаўна, загадчыца аддзела беларускай і краязнаўчай літаратуры Магілёўскай абласной бібліятэкі імя У.І. Леніна; Максіменка Юрый Іванавіч, намеснік дырэктара па навуковай рабоце Гомельскай абласной універсальнай бібліятэкі імя У.І. Леніна; Шахновіч Галіна Мікалаеўна, загадчыца Слуцкай гарадской дзіцячай бібліятэкі; Копцік Святлана Канстанцінаўна, бібліятэкар I катэгорыі чытальнай залы Цэнтральнай гарадской бібліятэкі СПБ г. Жодзіна. Аспірантка Беларускага дзяржаўнага ўніверсітэта культуры і мастацтваў Воўчак Марыя Віктараўна прадставіла даклад “Патрыятычная тэматыка краязнаўчых бібліяграфічных дапаможнікаў абласных бібліятэк Беларусі”.

У рамках семінара праведзены круглы стол “Арганізацыйна-метадычныя аспекты развіцця рэгіянальнай бібліяграфіі Беларусі” з удзелам прадстаўнікоў абласных, раённых і гарадскіх бібліятэк Беларусі, пад час якога супрацоўнікамі Нацыянальнай бібліятэкі Беларусі былі прапанаваны падыходы да распрацоўкі новых нарматыўна-метадычных дакументаў у галіне краязнаўчай дзейнасці бібліятэк, прадэманстравана спецыфіка апрацоўкі рэгіянальнага дакумента. Выніковым дакументам стала Рэзалюцыя, у якой замацаваны рашэнні круглага стала.

Пад час правядзення семінара былі арганізаваны:

  • прэзентацыі электронных краязнаўчых інфармацыйных рэсурсаў і мясцовых краязнаўчых выданняў;
  • выстаўка-прагляд друкаванай краязнаўчай бібліяграфічнай прадукцыі бібліятэк;
  • выстаўка-продаж выдавецкай прадукцыі Нацыянальнай бібліятэкі Беларусі;
  • тэматычная кніжная выстаўка-прагляд “Бібліятэчнае краязнаўства: тэорыя, гісторыя, практыка”;
  • экскурсіі для ўдзельнікаў семінара па Нацыянальнай бібліятэцы Беларусі.

Навіны

30 Май 2020

1928 год. У часопiсе “Узвышша” з’яўляецца новая паэтычная публiкацыя. Над адным з вершаў стаiць прысвячэнне “Р.М.”, а гучыць верш зусiм не ў духу эпохi: гэта любоўная лiрыка…

Навіны бібліятэк

Беларускі бэстселер 1920-х: аповесць Міхася Зарэцкага “Голы звер”

28 Май 2020

Міхась Зарэцкі, паводле ягоных уласных успамінаў,распачаў свае літаратурныя спробы пасля яркага ўражання ад незвычайнага сну. Надалей, атрымліваючы ўсё болей і болей жыццёвага ды пісьменніцкага досведу, ён адтачыў сваё майстэрства на кароткай прозе. І аповесць “Голы звер” (1926) стала як бы лагічным працягам творчага і асобаснага сталення пісьменніка.

Блог прафесійнага чытача

111