ГалоўнаяНавіныНавіны Нацыянальнай бібліятэкі Беларусі
Супрацоўнікі Нацыянальнай бібліятэкі Беларусі наведалі бібліятэкі Каралеўства Нідэрланды
Мастак лірыкі і драмы

Семінар-практыкум “Кітабы – унікальныя помнікі рукапіснай кніжнасці”

Семінар-практыкум “Кітабы – унікальныя помнікі рукапіснай кніжнасці”
Іншыя навіны

27 лістапада ў Нацыянальнай бібліятэцы стартуе семінар-практыкум, прысвечаны вывучэнню ўнікальных помнікаў беларускай кніжнай культуры – кітабам.

Усіх, хто жадае навучыцца чытаць кітабы, запрашаем на семінар-практыкум, які будзе ўключаць серыю заняткаў.

Кітабамі называюць рукапісныя кнігі, якія ствараліся на працягу стагоддзяў прадстаўнікамі адной з этнаканфесійных груп Беларусі – беларускімі татарамі. Гэтыя манускрыпты, напісаныя арабскай графікай, змяшчаюць тэксты на арабскай, некаторых цюркскіх, а таксама на беларускай і польскай мовах. Рэлігійныя і дыдактычныя творы, займальныя аповесці і апісанні рытуалаў, знахарскія і астралагічныя тэксты раскрываюць духоўны свет своеасаблівай культуры беларускіх татар.

Тэксты кітабаў уяўляюць цікавасць як аб’ект даследавання для розных спецыялістаў: гісторыкаў, філолагаў, рэлігіязнаўцаў, культуролагаў, кнігазнаўцаў, этнографаў і краязнаўцаў.

Экспертам мерапрыемства з’яўляецца Ірына Сынкова, дацэнт кафедры мовазнаўства і краіназнаўства Усходу факультэта міжнародных адносін, кандыдат філасофскіх навук, дацэнт.

Запрашаюцца ўсе зацікаўленыя. Уваход вольны.


Дата: 27 лістапада 2019 г.

Час правядзення: 18.00–19.30.

Месца правядзення: зал адукацыйных тэхналогій (пам. 346).

Кантакты: (8 017) 293 27 81, (8 017) 293 27 82, (8 044) 579 39 07.

Матэрыял прадастаўлены навукова-даследчым аддзелам кнігазнаўства.

Навіны

У Маскве адкрылася выстаўка “Сімяон, сын Полацка”

13 Сне 2019

12 снежня ў Дзелавым і культурным комплексе Пасольства Рэспублікі Беларусь у Расійскай Федэрацыі адкрылася кніжна-ілюстрацыйная выстаўка “Сімяон, сын Полацка”, прысвечаная 390-годдзю з дня нараджэння дзяржаўнага, царкоўнага і культурнага дзеяча Беларусі і Расіі.

Кніжныя выстаўкі

“Школа даследчыка” навучыць, дзе і як шукаць літаратуру

13 Сне 2019

Нацыянальная бібліятэка Беларусі валодае шырокім спектрам электронных інфармацыйных рэсурсаў, якія адлюстроўваюць не толькі нашы фонды і фонды іншых бібліятэк, але і дзясяткі мільёнаў лепшых сусветных публікацый з ліцэнзійных баз даных.

Навіны Нацыянальнай бібліятэкі Беларусі

Доўгая дарога да дома Караткевіча

13 Сне 2019

Адзін з найзначнейшых юбілеяў, якія будуць адзначацца ў надыходзячым 2020-м — 90-годдзе з дня нараджэння Уладзіміра Караткевіча. Як налета збіраюцца ўшанаваць памяць аб славутым земляку на ягонай малой радзіме — пакрысе высвятляецца ўжо сёння.

Навіны бібліятэк

Статус гісторыка-культурнай каштоўнасці атрымае феномен “Паўлінкі” Купалаўскага тэатра

12 Сне 2019

Статус гісторыка-культурнай каштоўнасці атрымае тэатральны феномен спектакля “Паўлінка” Нацыянальнага акадэмічнага тэатра імя Янкі Купалы. Такую прапанову сёння падтрымаў Беларускі рэспубліканскі навукова-метадычны савет па пытаннях гісторыка-культурнай спадчыны пры Міністэрстве культуры, паведамілі ў Мінкульце.

Навіны бібліятэк

Пра беларускіх ілюстратараў, якія прысвяцілі талент Яе Вялікасці Кнізе

11 Сне 2019

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

Навіны Нацыянальнай бібліятэкі Беларусі

111