25 лютага ў Нацыянальнай бібліятэцы Беларусі прайшоў семінар "Электронная платформа Web of Science як інструмент для павышэння эфектыўнасці навукова-даследчай і адукацыйнай дзейнасці".
Семінар адкрыла начальнік інфармацыйнага цэнтра Ала Шарамецьева. Падчас семінара прадстаўнік кампаніі Clarivate Analytics Ірына Ціханкова азнаёміла ўдзельнікаў з падыходамі да фармавання калекцый і індэксаў на платформе Web of Science, а таксама з новымі і ўдасканаленымі функцыямі: плагінам для пошуку поўных тэкстаў "Kopernio", рэферэнс-менеджарам "EndNote", аналітыкай выданняў у "Journal Citation Reports", новымі функцыямі аўтарскага профілю "Publons".
Для аўтараў навуковых публікацый быў праведзены трэнінг па выбары рэйтынгавых міжнародных часопісаў для апублікавання вынікаў навуковых даследаванняў.
У семінары ўзялі ўдзел больш за 100 слухачоў: прадстаўнікі рэспубліканскіх навуковых бібліятэк, устаноў вышэйшай адукацыі, Нацыянальнай акадэміі навук Беларусі, навукова-даследчых інстытутаў і выдавецтваў.
Матэрыял прадастаўлены аддзелам карпаратыўнага ўзаемадзеяння.