11 ліпеня ў бібліятэцы адбыўся семінар “Кніжная спадчына Беларусі ў кантэксце сусветнай медыйна-інфармацыйнай прасторы”.
Мерапрыемства было арганізавана Нацыянальнай бібліятэкай Беларусі (НББ) і Рэспубліканскім інстытутам вышэйшай школы.
У семінары прынялі ўдзел супрацоўнікі навукова-даследчага аддзела кнігазнаўства НББ, удзельнікі II Міжнароднай летняй школы беларусістыкі, студэнты філалагічнага факультэта Беларускага дзяржаўнага ўніверсітэта. Удзельнікі школы беларусістыкі з розных краін абмяркоўваюць моўную, гістарычную і культурную спадчыну Беларусі падчас розных камунікацыйных мерапрыемстваў.
На семінары выступілі супрацоўнікі навукова-даследчага аддзела кнігазнаўства: галоўны бібліёграф Таццяна Карнілава з дакладам “Беларуская друкаваная кірылічная кніга ў фондзе Нацыянальнай бібліятэкі Беларусі”, вядучы бібліёграф Людміла Сільнова з дакладам “Першыя прыватныя бібліятэкі вучоных-славістаў у фондзе Нацыянальнай бібліятэкі Беларусі”, мадэратарам выступіла загадчык аддзела Галіна Кірэева.
Падчас сустрэч Нацыянальная бібліятэка Беларусі была прадстаўлена як цэнтр захавання кніжнай спадчыны ў сучасным інфармацыйна-камунікацыйным асяроддзі.
Для гасцей была арганізавана экскурсія, у ходзе якой ім расказалі пра гісторыю і рэсурсы бібліятэкі, яе магчымасці як інфармацыйнага і сацыякультурнага цэнтра. У музеі кнігі ўдзельнікі семінара пазнаёміліся з кніжнымі помнікамі з калекцыі рукапісаў, старадрукаваных і рэдкіх выданняў, асаблівасцямі беларускай кнігі ў кантэксце сусветнай кніжнай культуры.
|
|
|
|
 |
 |
 |
