11 снежня ў зале адукацыйных тэхналогій (пам. 346) адбудзецца арыентаваны семінар-прэзентацыя “Інфармацыйнае забеспячэнне навуковай і адукацыйнай дзейнасці: выкарыстанне рэсурсаў IPR MEDIA і EBSCO”.
Арганізатарамі выступілі Нацыянальная бібліятэка Беларусі, кампанія EBSCO Information Services, група кампаній IPR MEDIA.
У ходзе семінара ўдзельнікі пазнаёмяцца з паўнатэкставай базай вучэбных і навуковых выданняў на платформе IPR books, магчымасцямі размяшчэння на платформе даследчых работ і іх праверкі на наяўнасць запазычанняў.
Будзе прэзентавана новая тэхналогія інклюзіўнай адукацыі – праграмнае забеспячэнне для выкарыстання электроннай бібліятэкі сляпымі і са слабым зрокам чытачамі.
Для слухачоў будуць прадстаўлены агляд апошніх тэндэнцый развіцця кніжнага рынку і магчымасці працы з кніжнымі калекцыямі на платформе EBSCO, пры гэтым асаблівая ўвага будзе нададзена беларускай кніжнай экстэрыёрыцы.
Да ўдзелу запрашаюцца спецыялісты бібліятэк і інфармацыйных цэнтраў, навуковыя супрацоўнікі, выкладчыкі, аспіранты, магістранты, студэнты, шырокае кола карыстальнікаў электронных інфармацыйных рэсурсаў.
Для ўдзелу ў семінары неабходна прайсці рэгістрацыю.
Каардынатар Марына Віктараўна Рудакоўская, загадчыца аддзела карпаратыўнага ўзаемадзеяння Нацыянальнай бібліятэкі Беларусі,
тэлефон: (8 017) 293 28 90,
e-mail: rudakovskaya@nlb.by
Матэрыял прадастаўлены аддзелам карпаратыўнага ўзаемадзеяння.
