27 студзеня ў Нацыянальнай бібліятэцы адбудзецца семінар “Формы культурна-адукацыйнай дзейнасці ў бібліятэках і музеях Польшчы”.
Мерапрыемства ў рамках Года культуры арганізавана Нацыянальнай бібліятэкай Беларусі, Беларускай бібліятэчнай асацыяцыяй і Беларускім дзяржаўным музеем народнай архітэктуры і побыту.
Навуковы супрацоўнік навукова-экспазіцыйнага аддзела Беларускага дзяржаўнага музея народнай архітэктуры і побыту Ірына Аляксандраўна Юдзіна раскажа пра культурна-адукацыйныя праекты, якія былі рэалізаваны ў бібліятэках і музеях Польшчы. Падчас семінару плануецца абмеркаваць сучасныя тэндэнцыі па прыцягненні наведвальнікаў, заахвочванні мясцовай супольнасці і прааналізаваць прыклады культурна-адукацыйных праектаў. Лектарка прайшла стажыроўку для супрацоўнікаў музеяў Беларусі ў рамках праекта “Актыўны музей”, адной з задач якога з’яўлялася абмен досведам работы польскіх устаноў культуры.
Семінар разлічаны для прадстаўнікоў бібліятэк і музеяў, а таксама ўсіх зацікаўленых.
Мерапрыемства пачнецца а 14-й гадзіне ў зале адукацыйных тэхналогій (3-ці паверх).
Запрашаем да ўдзелу!