ГалоўнаяНавіныНавіны Нацыянальнай бібліятэкі Беларусі
Нячыстай сіле тут не месца
У РЗЭК з'явілася магчымасць пошуку ў сістэмах дыскаверы

Семінар “Крыніцы па генеалогіі ў беларускіх архівах і бібліятэках”

Семінар “Крыніцы па генеалогіі ў беларускіх архівах і бібліятэках”
Іншыя навіны

27 сакавіка адбыўся навукова-практычны семінар “Крыніцы па генеалогіі ў беларускіх архівах і бібліятэках”.

Яго арганізатарамі выступіла Нацыянальная бібліятэка Беларусі (НББ) і Нацыянальны гістарычны архіў Беларусі (НГАБ). На ім прагучала некалькі грунтоўных дакладаў, якія былі найперш разлічаныя на аматараў складання радаводу.

Намеснік дырэктара НГАБ, кандыдат гістарычных навук, Дзяніс Лісейчыкаў захапляльна распавёў аб сучасным стане спраў у ажыццяўленні пошуку продкаў і тэндэнцыі трывалага павелічэння цікавасці да тэм, якія былі закрануты на семінары.

У сваю чаргу Вадзім Урублеўскі, кандыдат гістарычных навук, загадчык сектара тэматычных даследаванняў і выставачнай дзейнасці аддзела выкарыстання дакументаў і інфармацыі НГАБ, агучыў даклад на тэму “Генеалагічная асвета ў Беларусі на сучасным этапе”. Ён таксама пазнаёміў аўдыторыю з дзейнасцю грамадскага аб’яднання “Радавод” пры гістарычным факультэце БДУ, якое аб’ядноўвае беларускіх даследчыкаў генеалогіі.

Яшчэ адзін прадстаўнік НГАБ – Яўген Глінскі, загадчык сектара рэдакцыйна-выдавецкай падрыхтоўкі аддзела публікацыі дакументаў, – зрабіў даклад на захапляльную тэму “Фальсіфікацыі генеалагічных дакументаў: як выявіць старажытную падробку?”.

У канцы семінара слова ўзяў кандыдат гістарычных навук, дацэнт Анатоль Сцебурака, загадчык навукова-даследчага аддзела кнігазнаўства НББ. Яго паведамленне мела выключна практычную мэту папулярызацыі рукапісных фондаў Нацыянальнай бібліятэкі, якія могуць быць выкарыстаны для пошуку продкаў, але пакуль малавядомыя шырокім колам даследчыкаў.

У дадатак кожны ўдзельнік семінара атрымаў спіс метрычных кніг з калекцыі галоўнай бібліятэкі краіны. У канцы семінара яго ўдзельнікі наведалі адмысловую выстаўку ў чытальнай зале рукапісаў, старадрукаў і рэдкай кнігі. Яна была падрыхтавана з мэтай дэманстрацыі найбольш цікавых экзэмпляраў метрычных кніг ХVIII–ХХ ст.

Матэрыя прадастаўлены навукова-даследчым аддзелам кнігазнаўства.

Навіны

30 Май 2020

1928 год. У часопiсе “Узвышша” з’яўляецца новая паэтычная публiкацыя. Над адным з вершаў стаiць прысвячэнне “Р.М.”, а гучыць верш зусiм не ў духу эпохi: гэта любоўная лiрыка…

Навіны бібліятэк

Беларускі бэстселер 1920-х: аповесць Міхася Зарэцкага “Голы звер”

28 Май 2020

Міхась Зарэцкі, паводле ягоных уласных успамінаў,распачаў свае літаратурныя спробы пасля яркага ўражання ад незвычайнага сну. Надалей, атрымліваючы ўсё болей і болей жыццёвага ды пісьменніцкага досведу, ён адтачыў сваё майстэрства на кароткай прозе. І аповесць “Голы звер” (1926) стала як бы лагічным працягам творчага і асобаснага сталення пісьменніка.

Блог прафесійнага чытача

111